KALENJIN 46 - 70

1.  Amakyininge kot,  Jesu Kristo; Amu mami age,  Ne 'toreta.      Jesu, amakyininge,      Amu a nyerat kot.      Nama eng' kimnateng'ung' ­      Kanyonjin ra. 2.  Amakyininge kot,  Jesu Kristo; Eng' betut ak kemoi Kitebye t'wai. 3.  Amakyininge kot,  Yeti-ndennyu; Nyo, chogu,  toreta; Iberura. 4.  Jesu, amache kot  Ikweng-' sewa. Kona agasin it,  Asubotin.

1.  Yetindet, amakyininge; Nyo, itebi kobota. 'Nyiitwa Tamirmiriet, Jesu, Komenya, kogaiga-a.      Anyiga nitu iman      Ye imi - tei kobota.      " Awendo ti asubotin,      Inye, Kando"indennyu. 2.  Yetindet, amakyininge; Imuta eng' bandanyu. Ak achame kot ineta Ortinwekab Jehovah. 3.  Yetindet, amakyininge; Imutata kotugul. Toreta eng' banda tugul, Kot aitu kipsengwet.

1.  Jesu, `arirjinin, Inye, Nyonja asi itoreta; Ilaaksewa sobondang'ung' - Arirjinin, Jesu. 2.   Kinyii-a mising' chalwogik; Kima-amuch atoretge. Nguno amang'u korotik - Arirjinin, Jesu. 3.   Jesu, amache iba-a Eng' amitwogikab sobon, Asi kogimita choto - Arirjin, Jesu. 4.    Jesu, kona aboisie-un; Igimita eng' chamnyeng'ung'; Inyiita Tamirmirieng'ung' -' Arirjinin, Jesu. 5.  Ye tun igesgei lugennyu, AK aterter tugul iman, Ye tun aitu kipsengwet, Alosun kot, Jesu.

  1.  Yetindenyun, indoiywa,  Eng’ oreng’ung’ kotugul . A ribot eng’ chamnyeng’ung’,  Amu kibendoti t’wai. Ndoiywa, ‘ndoiywa Ndoiywa, jesu , si mabet Ndoiywa betusiek tugul. Si asubun kotugul 2.  Mwechinin sobondanyu,  Ye kabwa nyalilwogik. Ma 'ywe-i ye kimi t'wai;  Inye Kamang'unennyu. 3.  'Ndo'ywa kot koit betut,  Ne ka'gesgei usisiet, Ak kibukwa beekab kong',  Eng' olin bo kipsengwet.

1.  O chamyeng'ung', Yetindennyo, Kosiir chamyosiek alak. Ki-ichoruge ng'onyuni Imeny mugulelwekyok. Jesu, o kot rireneng'ung' Ne. ma'gesugei agoi. Nyo, Kaberurindet, rani, Ak irong'wech chamyeng'ung'. 2.  Nyo inyita Tamirmiriet Si kegimegitu kot! Konech kiterter o-indet Eng' kayomisutiguk. 'Stawech magutik che yaachen - Kimachin, Inye, kityo. Toretech kegakten, jesu, Eng' betusiekyok tugul. 3.  Ng'ang'weige eng' Ng'olyondeng'ung' Ak iboruech mageng'ung'. Konech ke-ige Inyendet. Toretech kegasin it. Ki otwogiguk, Kiptaiyat, Che kiboisie' eng' chamyet. Nyolu kitororin mising, Inye,Laitoriandennyo.

  1.  O chamyeng'ung', Yetindennyo, Kosiir chamyosiek alak. Ki-ichoruge ng'onyuni Imeny mugulelwekyok. Jesu, o kot rireneng'ung' Ne. ma'gesugei agoi. Nyo, Kaberurindet, rani, Ak irong'wech chamyeng'ung'. 2.  Nyo inyita Tamirmiriet Si kegimegitu kot! Konech kiterter o-indet Eng' kayomisutiguk. 'Stawech magutik che yaachen - Kimachin, Inye, kityo. Toretech kegakten, jesu, Eng' betusiekyok tugul. 3.  Ng'ang'weige eng' Ng'olyondeng'ung' Ak iboruech mageng'ung'. Konech ke-ige Inyendet. Toretech kegasin it. Ki otwogiguk, Kiptayat, Che kiboisie' eng' chamyet. Nyolu kitororin mising, Inye, Laitoriandennyo.

1.  Akwong'e amu chamnyetab Jesu Ne ki-itya agot eng' lusennyu. Mami ng'alek che m'iach che siirei chu Ng'alekab chamnyetab Jehovah.       Chamnyet . . . ab kwong'utiet!      Chamnyet . . . ab Jehovah!      Kinyoiywa kaat chalwogikyuk tugul;      Akwong'e kot eng' chamnyennyi! 2.  Kicham Jesu konyo ng'onyuni ya; Ki'goitogei asi asich sobon. Mami ng'alek che miach che siirei chu, Kele kigoyeta eng' chamnyet! 3.  Kisib kobwat Jehovah eng' barak Kochob oret ne bo nyoetab kaat. Ki'yan Jesu kotumda korotik Koalech kemi otwoknatet. 4.  Kinama Jesu aek lakwennyi; Mamakwa Ine aek otwogin. Kiabagach magetab ombenet Amu kigowala Jehovah

  1. Jesu ko Mestowondennyu - Laitoriat ne bo chamnyet. Mararua kiy amu riba; Mabegu rirenennyi. 2.  Kicheng'a Mestowondennyu Ye kia-ombenoti, AK koganaba komuta Awekyige akwennyi. 3.  Igoigo-a kimnatennyi Eng' nyalilwogik tugul. Maaiywei agot ngo mi meet Amu mitei kobota. 4.  Mabegu arorutikyik Amu Imanda Ine. Alosu Mestowondennyu Eng' betusiekyuk tugul

1.   Kinyo Jesu eng' chamnyennyi Asi kocheng' sobondanyu; Ki'tiacha eng' ng'ogistanyu - Agas m`ieindanyi.      Kicheng'a eng' chalwogikyuk;      Kinama eunnyi ne Kim.      Kochuutwa eng` mesundeito;      Ami nguno lapkeiyennyi. 2.  Kiguura keny kotom agas, Kotom kocham muguleldo; Kota ami tengektanyu Kocheng'a eng' chamnyet. 3.  Kitoor katok  Jesu  toget AK kigitoor eunekyik. Kime kogona yetunet; Kichama kot Ine. 4.  Chamei  Jesu ateb nguno Komi kalyet muguleldo. Baibai sobondanyu mising' Amu chama Jesu.

1.  Abaibai mising' amu Jehovah Ne kigomwawech chamnyennyi ne o. Mitei ng'alek che chang' eng' Buku-it, Ago ne siirei ko chama Jesu.      Abaibai amu chama Jesu,      Chama Jesu, chama Jesu;      Abaibai amu chama Jesu,      Chama Jesu mising'. 2.  Chama Jesu ak achame Ine; Kigonyo ng'ony si kowalenagei. Chamnyet ne o ne ki'gochi kome Si kobiit anyor sobondo ne lee!. 3.  Ana-e nee ale chama Jesu? Angen amu mi muguleldanyu. Kang'ang'wa Tamirmiriet ne Tilil Kole o chamnyet ne chama Jesu 4.  Kona ng'olyotab chamnyet kamuung'et. Amang'u Jesu ne kona kalyet. Mwee' o-indet eng' muguleldanyu Ye amwachi ale. Chama Jesu

1.  Obwa eng' boiboiyet, okwek che oyani, Obwa kegeer Inendet ne mi kaptugut. Kagesich rani  Jesu Yetindennyo.       Obwa asi kilosu!      Obwa asi kilosu!      Obwa asi kilosu      Laitoriandet! 2.   Jehovah Imanda, ne Kamuktaindet. Ki'yok Ine Werinnyi kosich bergeiyat. Kinyo ng'onyuni kosoruech eng' chalwok 3. Kilosun, Kiptaiyat, ak kigasige kot. Neng'ung' kondit amu I Kamukta-indet. Kiinyo ng'onyuni eng' Itondab chito. 4.  Otien eng' boiboiyet, olosu Jehovah, Amu bo torornatet ak telunatet. Otien tugul ak che mitei kipsengwet.

1.  Ogasge, bik che bo Kristo, Eng' muguleldo ak sobet; Ongegas Che kimwawech. Kas! Kas! Kagisikwech Kristo ra; Mitei kapmoing' orit. Obwa kilosu Inendet. Kagisikwech Jesu - Kagisikwech ra! 2.  Ogasge, bik Che bo Kristo, Eng' muguleldo ak sobet; Kigeere berurtanyi. Kas! Kas' Boibo-itu bik tugul. Kigoyatwech kipsengwet, AK nyoru bik kaberuret. Kinyo amu noto - Kinyo koyetech! 3.  Ogasge, bik Che bo Kristo, Eng' muguleldo ak sobet; Amata oywei me-et. Kalyet! Kigonyo si kosoruech. Kiguurok okwek tugul Obwa otaach  Lakwet  Jesu. Kagisikwech Jesu Kagisikwech ra!

1.  Ogas tiendab Malaikaisiek Kolosu  Laitoriandet; 'Ngoteb kalyet eng' ng'onyuni; Jesu, Katuiyo-indet! Ongilosu  kibagenge Ak ichek Che mi kipsengwet. Kagonyo ng'ony Yetindet  - Kakesich eng bethlehem Ogas tiendab Malaika Kolosu  Laitoriandet; 2. Kristo Weritab Jehovah; Klgocham  kogoitogei. Ye kingagoit  betunnyi Kosich anyun  bergeiyat. Jehovah ne ki`laach borto; Kiek chito ko u  achek. Ongegonyit  Inendet, Jesu ne  Imanuel. Ogas tiendab Malaika Kolosu  Laitoriandet; 3.  Ongilosu  Laitoriandet  - Lapkeiyet ne bo iman. Konech rani lapkeiyennyi; Mi sobondo Inendet. Kibagach torornatennyi; Kigisich asi kosor ng'ony. Konech sigetab aeng', Achek, bikab ng'onyuni. Ogas tiendab Malaika Kolosu  Laitoriandet;

1.    Kimi mestowek emono Koribei akwotisiek, AK kitonon malaikaiyat Eng' kwenunywa. Ak kokweny - ak kokweny Kondit icheget: AK kokweny - ak kokweny Kondit icheget. 2.  Kitoptoben mising' ichek Kolenji malaiKaiyat , "A-ibwok  Iogoiywek  che miach Eng' bik tugul

1.  Eng ' Noel ne kibo tai ne kitien malaika Ko kitienji sigetab Jesu Yetindet . Kiga mong'ji mestowek Che kimitei kewet Ye kiribei kechirek eng' saitab kemoi.      No-el, No-el, No-el, No-el!      Kagesich Laitoriat Jesu Kristo! 2.    Ki-inyal barak ichek, ak kogas tienoto Ne kitienji malaika eng' kalosunet, Kiba anyun mestowek ak koit  Betlehem Si kogeer  Lakwet  Jesu komi kaptugut. 3.  Kibwa  bik eng' kong'asis Che Ki ng'omen mising' Koteebonu Laitoriat ne kiga kesich. Ki-indochi kecheiyat kot koit  ye kimi Si kogochi kagochino-ik Che miachen. 4.  Ongigochi agachek konuno-ik Che miach Che kimwachine kongoi 'amu chamnyennyi, Kinyo ng`ony Yetindennyo Kogergeit ak  bik Si koek Laitoriatab mugulelwekyok.

1.   Kibiit eng' kemout  ne churat Kalosunet ne Ki o kot. Ki'los malaikaisiek Jehovah Ye negite Bethlehem . Ki'luuchi lilindab Jehovah Koret ne kimi mestowek. Kitwekyi malaikaiyat ichek Koribei kechirekwak. 2.  Ye kingogeer mestowek ine, Kobotanso eng' ka'ywe-et. Kimwachi anyun malaikaiyat, Kolenji, "Mat o'ywei kiy. A-ibwok logolywek Che miachen Che bo boiboiyet  ne o kot , Amu kagisikwok ra  Lakwet , Noto Yetindet  Jesu 3.  Nguno, ko kagenai Yetindet Ne kinyo asi koyetech. Inendet  ne kimwa maotik Eng' Sirutik  Che bo keny. Nyoru chamnyet ak kalyet ne o Bik tugul Che 'yani  Ine. Kilosu anyun  Kiptaiyandet Agoi keit kipsengwet,

1.  Ye kingoribei mestowek Akwotisiek kemoi Kochorjigei malaikaiyat Eng' lapkeiyet ne o. 2.   Kimwachi anyun malaika Kolenji, "Mat o'ywei, Aibwok logoiywek che miach Che ityin bik tugul. 3.   "Mi nganasetab Betlehem Lakwet ne kagesich. Inendet  Kristo Kiptaiyat Ne ibu sorunet." 4.   Kiboibo-itu mestowek Kogeer Lakwet Jesu; Kiba anyun komwachi bik Kwong'utietab siget. 5.  Ki'ming'ingei koru kaptich Lakwetab kipsengwet. Kiek kibananiat  Jesu Ine ne Laitoriat.

1.  Ongemwachin emet tugul  Logoiywechu miachen kot  kou ye tiendos malaika  Kagesikwok Yetindet''   Ongebwanji Jesu kristo  Ak kilosu Inendet. 2.  Okwek che oyagisie Oribe kechirekwok Kagonyo Jesu Yetindet Konyo komeny kobotech. 3.  Obagach okwek ng'omotik Kabwatutik chebo ng'ony Si kocheng' Ine ne 'muchi Kong'omitok ne siirei. 4. Okwek che omi tengekto Kiteywok, osigu ra. Kigonyo kiptaiyat Jesu  Si kogonech yetunet. 5.  Okwek Lagokab Jehovah Che ogeni kiptaiyat Ma kochorgei Yetindennyo, Eng' nyonunetab oeng'.

1.  Ki tilil kemout Kingesich Kiptaiyat. Kimi lakwet ak kamet Kaptugut eng' betlehem. Kiru Jesu eng' kalyet; Kiru Yetindennyo. 2.  Ki tilil kemout Kingobwa malaika. Kigas mestowek tiendo Ne kibunu kipsengwet. Ak ko bakogeer Lakwet Ne bo torornatet. 3.  ki tilil kemout Kingotook kecheiyat. Kibwa bikab kong'asis Kocheng'onu Laitoriat. Ongilosu inendet­ Jesu yetindennyo.

1.  Kisikyi bergeiyat Lakwet kaptugut, Amu kibet ole kisikyin eng' go. Ki'kweng'ji kecheik Ine ye kimi Koru-ei Kiptaiyat Jesu eng' kaptich. 2.  Kigos Lakwanato koutos tuga, Ago ma rir Ine ne Yetindennyo. Achamin, Kiptaiyat; amakyininge. Amache iriba eng' kemouni. 3.  Asa-in inegitena, Kiptaiyat; Indoi'ywa kochulyo, ak imutata. Ribote lagok ak iberur ichek, Si tun keitu kipsengwet oldang'ung'.

I.  Kinyo kamet ne bananat Nganasetab Bethlehem Kimogonji lakwet Jesu Mo-ingetab kaptugut. Ki Yetindet Inendet - Werit ne bo Jehovah. 2.  Ki'yok Kwanda Werit Jesu Koek Sorunindenyo; AK kicham Yetindet  Jesu Kobagach talbistanyi Kigonam  itondab chi Ak kocham koming'inngei. 3.  Kingota ko lakwa  Jesu Ko kigas it kamenyi; Ak kitesak  ng'om-natennyi Eng' mie-indab Jehovah. Kigiyom ko u  achek Ago kima yai tengek. 4.  Koboch  yoto agoi rani Ko kiek kaborunet , Amu kigogas nyalulet Ko u  nyalulenyo ra . Tun kigeere inendet Laitoriatab Kipsengwet

1.  Kibwa bik  eng' kongasis Nyo kocheng' Lakwet  Jesu. Kicheng'onu,  koteebonu Lakwet ne Laitoriat.      Ee ki-ikweng'sei Kecheiyat      Eng' kakweng'et ne o kot.      Ki-indochi bik Che ng'omen      Kot koit ye mi Lakwet. 2.  Ki-it Betlehem ichek Kosuboti kecheiyat. AK konyorji  Lakwet yoto AK kolos Inendet. 3.  Ki tahabu che kib Amu nyoljin laitoriat. AK Ki`los Lakwet  ne Tilil    Ne Laitoriandennyo. 4.    Ki  nyamdutik che kiib Karogutietab saet; Chamei kot  kogas Jehovah Sa-utikab bikyik. 5.    Manemane che kiib Che iboru ngwanindo Amu kiga mwa maotik Agobo me-ennyi

1.  Kiboibo- itu mising' Bik che kigeer t aboiyat ; AK kigasegei inne Lapkeiyet  ne ki'ndochin, 'Mutech  Jesu agachek Eng' betusiekyok  tugul. 2.  Kibendi eng' boiboiyet Si kogeer Kiptaiyandet; Ak kogutung'ji Kolos Ine ne kiyai tugul. Kanyoljech agot  achek Kegutung'ji eng' saet. 3.  Kinem konunoikwak Kogochi  Kiptaiyandet, Ongigochi agacheK Tuguk  Che kichame kot, Amu Laitoriat  Ine Kiptaiyatab kipsengwet. 4.  Ribech, Inye, Ne Tilil Eng` oreng'ung' ne tenden. Ye 'Wong'gei tuguk tugul, 'Mutech kebe oldang'ung` Ma kemache taboiyat -` Lapkeiyennyo Kiptaiyat.

1.  O boiboiyet eng' ng'onyuni! Olosu Kiptaiyat! Kanyo ng'ony Yetindennyo; Obwat rani sigennyi. 'Ngotien ng'ony komugul! 'Ngotien ng'ony komugul! 'Ngogasgei, 'ngogasgei ng'ony tugul! 2.   O boiboiyet eng' kipsengwet! Ilosu malaika! Ki-ipchi ng'ony icheget Ng'alek agobo Lakwet! Komwa sigennyi! Komwa sigennyi! Ngogasge, ngogasgei ng'ony tugul! 3.  Oboiboiyet! Mi Laitoriat Olosu Inendet! Iborjin bik imanit; Bo-u Ine eng' kalyet. 'Ngoboibo-itu bik! 'Ngoboibo-itu bik! 'Ngogasgei, 'ngogasgei ng'ony tugul.

1.    Kigiguure Yetindet Chi ne bo arogenet. Kigonyo ng'ony koyetech. Haleluya! Yetindennyo! 2.    Kigichurachur Ine Eng' kiruogetab meet. Kigibar si kotiachech. Haleluya! Yetindennyo! 3.  Tilil mising' Inendet; Ki bikab tengek, achek. Kiyaakta besendanyo. Haleluya! Yetindennyo! 4.  Kigigartat  komechech Kosuldawech katiaget. Mitei nguno kipsengwet. Haleluya! Yetindennyo! 5.  Ye tun nyo  Laitoriandet Komut chechik  koba ga, Kilosune tienito Haleluya! Yetindennyo!